[محمد التهامى]

ايه رايكم فى 90 دقيقة

[Carezma]

كان افتتاح الفيلم فى سينما جود نيوز فى جراند حياة
الفيلم فى سطور هو
اضافة للفنانة زينة او يمثل هذا الفيلم نقلة فى حياتها الفنية لانها ادت دورها ببراعة شديدة
وجاءت الفنانة غادة عبد الرازق فى هذا الفيلم بالرصيد التلفزيونى الكبير لها دون ان تضع بصمة فى هذا الفيلم لم يضيف لها شيئا وانا اقصد بالرصيد التلفزيونى (مسالة مبدا و محمود المصرى) ولانة اول تجربة لمخرجة اسماعيل فاروق فافتقد الفيلم الكثر من الحبكات الدراميه وبالنسبة لسامو زين احب ان اقول انه فنان جميل كما عودنا فى اغانييية !!! كفا لنا اللقطة التى قام بها فى فيلم حمادة يلعب ولكنة اعتقد لو انه جاء له دور حلو وورق جميل واخراج عالى يستطيع حين ذلك ان ينافس مع جيلة المطربين الشبان (حمادة هلال - مصطفى قمر - محمد فؤاد) ولكن مع هذا الفيلم يختلف الامر عليه
عموما هذة وجهة نظرى فى الفيلم

===================================================
قصة الفيلم
عادل ويمثلة سامو زين رجل اعمل ثرى مرتبط بفتاة اقل منه الطبقة الاجتماعية (مع ان مش باين كدا خالص عربيات وفيلل ما علينا) والدة نهال عنبر وجدة الفنان القدير عادل هاشم
الفتاة الى مرتبط بيها عادل وهيا نسمة (زينة) تجمعهما قصة حب شديدة ولكن يقف عائقا بينهم الفارق الاجتماعى مع ان شرين وهى غادة عبد الرازق تعمل معه فى شركتاة وتحب حب شديد ولكن من طرف واحد وتدور الاحداث فى اطار رومانسى جدا بين عادل ونسمة
وفجاة جاء القدر ليختف نسمة من عادل ويتوهم له انها ماتت ولكن هذا بتدبير من امه فى الفيلم نهال عنير (الممثلة زى الشخصية الحديدية) وتدور الاحداث انا مش عاوز احرقلكوا الفيلم
وعلى فكرة ثومة مغنية اغنية تحفة فى الفيلم الى جانب اغنتين حلوين من سامو زين

واتمنى انى مكنش تقلت عليكو
اة صحيح انا اتفرجت على فيلم دم الغزال من فترة بصراحة انا مكنتش عاوز اطلع من السينما
من شدة اعجابى بالفيلم دة وطبعا لمين لوحيد حامد القلم الاول فى مصر ومنى ونور ويسرا والنجم عمر خيرت ودور من اميز الادوار للممثل محمود عبد المغنى
وسلاموا عليكوووووووووووووووا

[TréKa]

بصراحه..انا مش ناوى ادخله يعنى
...

لان م الاغنيه حاسس ان قصته مفيهاش جديد.

لكن سامبو زين عسل وبحبه

[TOTTI10]

انشاء الله حخشه يوم الحد الجى

الفيلم شكله جامد جدا

وسامو من كليباته تمثيله وهمى جدا

اغنيه سامو واغنيه ثومه حلوين جداااا

قصه الفيلم شدانى

وحقولكم رايى

[Carezma]

[Egyptian Romio]

فيلمـ 90 دقيقة .. قصة الى حد ما ضعيفة شوية .. او ممكن تقول انها معتادة .. قصيرة جدا .. سيناريو وحوار مستهلك .. أكتر حاجة بجد لازمـ الكل يشيد بيها ... هى موسيقي: يحيى الموجي ... بجد الراجل دا أبدع فى الفيلمـ .. وأخرجلنا مشاهد موسيقية تعبر عن الاحداث ..

نيجى للابطال ..

ساموزين : بالنسبة لاول مرة تمثيل .. فأنشاء الله ربنا هيفقوا .. اما ساموزين وقع منة حن الاختيار .. كان لازمـ يبدأ بفيلمـ أعلى من كدا شوية .. لانوا باين علية الموهبة الحقيقة .. ولكن مفيش حد على بموهبة ساموزين خالص فى الفيلمـ .. وبالتالى ..

بس والله مش معنى كلامى دا انوا وحش .. بل بالعكس هوا حلو جدا على بداية زى دى ببطولة مطلقة فى فيلمـ .. ويعملوا بالاداء الجميل الى حد ما دا .. فى مطربيين كتير غيروا اول ما بدأوا طلعوا مع أبطال الى حد ما كبار شوية .. لكن هوا بدأ لوحدوا كبطل أوحد وربنا يوفقوا انشاء الله فى أعمال أخرى ..

غادة عبد الرازق .. مش عارف لية حاسس انها متأثرة بالتليفزيون اوى .. مش حاسس انها بتعمل عمل سينمائى خالص .. وكان من المفروض انها تعلى ساموزين معاها بالنسبة لانوا اول مرة تمثيل .. ولكن مقدرتش تعمل كدا لانها مش قادرة تعلى بنفسها

نيجى للجميلة زينة .. عملت دورها كما يجب ان يكون .. فعلا عملت مشاهد ليها تحفة جدا .. وبالذات اخر مشهد فى الفيلمـ ..

احمد هارون .. الواد دا من ساعة ما شوفتوا وانا بقول علية لية مستقبل ... لانوا من الاخر ممثل بجد .. عمل دورة لو دكتور مش هيعملوا بالجمال دا ..

نهال عنبر .. مكنتش حاسس انها تنفع تعمل دور أمـ لساموزين .. وبالتالى وقع منها الدور كتير .. انا رايى تخليها فى التليفزيون أحسن ..

حجاج عبد العظيمـ .. مكنتش اتوقع انوا هيبقى كدا .. حاسس انوا بيعمل الكوميديا بالعافية ... يعنى مش تضحك على الافية اللى بيقولوا من قلبك .. لا وساعات كان بيخلى المشهد over اوى ..

القصة قولتها فى الاول .. ضعيفة ودون المستوى .. الانتاج كان ممكن يعلى عن كدا شوية .. وشكرا

[TréKa]

[محمد رضا]

وين الفلم يا محترم

[البرنس اسماعيل]

[color=red]هاي عليكم الفيلم حلو وانا سمعت ان كان فية مشاكل انتاجية ومشاكل بين افراد العمل وانسحاب الفنانة ياسمين عبدالعزيز وتيجي بدلا منها زينة وانسحاب طلعت زكريا ويجي بدلا لة حجاج عبدالعظيم بالنسبة للمشاكل دي الفيلم طلع بصورة حلوة علي المشاكل اللي فية الابطال
سامو زين لاول مرة تمثيل ممثل كويس وتعبيراتك حلوة ولكن عايز تتقن اللهجة المصرية شوية
زينة من احسن ادورها
غادة عبدالرازق بافو ومستينك في افلام كتيرة زي التليفزيون
نيهال عنبر دورك مش حلو لكن في البيان التالي احلي بكتير لكن خطوة لامام في السيما
عادل هاشم جدو ياجدو في باشا كبير برضة يكون الزرار بتاع التيشرت بتاعة متغير برضة عيب
حجاج عبدالعظيم فين ادوارك الكوميديا بتاعت زمان
اخو حجاج في الفيلم طول الفيلم قاعد ساكت وطول المشاهد موجود بس وجة سينمائي كويس
المنتج وليد التابعي بلاش مشاكل واعملنا افلام حلوة كتير
المؤلف قصة حلوة وسيناريو ضعيف
المخرج ضعيف شوية بالنسبة لاول مرة[/color]

[mizo2004]

انا دخلت الفيلم النهاردة وكان رائ كالتالى
الفيلم فى مجملة ضعيف جداااا
بس فى حاجات حلوة بسيطة منها غادة عبد الرازق انها عادت للسنيما مرة اخرى فى دور جميل جدا وبصراحة هيا عملت الدور جامد جدا بكل تفاصيلة وعملتة باحساس عالى جدااااااااا
2- ساموزين : ممثل فاشل جداااا جدااااااا مفيش احساس ولاحتى عارف يكلم كلمتين على بعض بجد لو كان حد تانى عملة الدور دة غيرة كان الفيلم بقى مستواة اعلى من كدة بكثيرا
انما بصراحة هوة هبط مستوى الفيلم زيادة
وياريت يخلية فى الغناء احسن
زينة مستواها اتقدم قووى وبقليل من المجهود هاكون ممثلة جامد جدا
نهال عنبر دورها كان جميل جدا وعودة مرة اخرى ليها للسنيما بعد فيلم جاءنا البيان التالى
واكيد مفيش حد يقدر يختلف على موهبتها وتمثيلها الراقى جداا
وبجد هيا عليت من مستوء الفيلم قوووى
حجاج عبد العظيم : دورة وتصرفاتة مفتعلة جدااااا
احمد هارون مستواة اتقدم خطوة بسيطة
بجد احلى حاجات فى الفيلم هى كالتالى الاغانى والموسيقى التصويرية وغادة عبد الرازق
الفيلم فى مجملة 4/10

[WaeL NeW LooK]

سامو زين مش بيعرف يبمثل

[(ملكة زمانى)]

90 دقيقة اسم الفيلم من اهم الاسباب اللى خلتينى ادخل الفيلم اسم مبهم
الفيلم قصته ضعيفة ومش جديدة

الابطال
سامو تقريبا كان احلى حاجة االفيلم تعبيراته كانت جميلة جدا كبداية ليه بداية كويسة واعتقد انه ممكن يبقى كويس جدا بعد كده

غادة عبد الرازق ممثلة كويسة جدااااا بس هيا كبيرة على الدور كنت حاسه انها مامتهم فى الفيلم

زينة اانا مش بحبها بس دورها كان كويس

احمد هارون هااااااااااااااااااااااااايل دوره كان جميل ممثل رائع

[3La2 RaMzY]

فيلم ضعيف جدا

مش عارف ليه اصرار المنتجين على الاستعانة بالمغنيين فى بطولة الافلام

مفيش خلاف على صوت سامو زين و نجاحه الكبير كمغنى لكن للاسف السينما هفت على دماغه

سامو .. ممثل فاشل جدا جدا شخص مالوش اى علاقه بالتمثيل و وقع الفيلم اكتر ماهو واقع و ياريت ميكررش التجربه تانى

غادة عبد الرازق .. احسن حاجه فى الفيلم عملت دورها باحساس عالى اوى

زينه .. تقريبا ملهاش مزاج تطور ادائها

احمد هارون .. لغايه دلوقت انا مش مصدق انك طالع من تحت ايد الاستاذ محمد عبد الهادى لانك فاشل .. و ده مش رايي لوحدى ده رأى ناس كتير من الوسط الفنى

نهال عنبر .. عادى

حجاج عبد العظيم .. ايه الاسفاف ده

المخرج اسماعيل فاروق .. وحش اوى حتى و لو انها التجربه الاولى .


بصراحة فيلم ما يتدخلش


___________

[ahmed_elhady]

والله يا جماعة انا مش شايف يعنى ان الفيلم ساقط اوى كده
ممكن تقليدى

لكن قولى فكرة جديدة فى افلام السنة دى كلها
مفيش طبعا
وربنا يوفق الجميع

[مجنون رامز جلال]

بصراحة يا جماعة انا شايف منكو نقد كتير وكبير على المستوى الفنى والسيناريو ةالحوار يا جماعة الفيلم جميل جدا وانا بصراحة لو قالولى ادى جايزة لاحسن ممثل فى الفيلم هديها لغادة عبد الرازق بجد عاملة دور جميل جدا جدا جدا وزينة كانت كويسة وسامو زين كان جميل يمكن تكون وقعت منو حاجات بس محدش يحاسبو على اول تجربة ممكن يكون وقعت منة الاحساس فى بعض المشاهد ولكن مش معنى ذلك انو مش بيعرف يمل لا خلاص كان هناك مشاهد جميلة جدا لية وحجاج كان تلقائى جدا وجميل جدا جدا واحمد هارون كذلك اما بالنسبة للاخراج انا مش شايف ان فية حاجة تستاهل الهجوم دا كلو انا عاوز اقول ربنا يوفق يا سامز وشكرا جدا يا غادة على الدور دا وشكرا