[PaNditA]

احمدمكى
دنيا سمير غانم
دلال عبد العزيز
ماجد الكدوانى
عزت ابو عوف

فكره
احمد مكى و احمد الجندى

سيناريو
شريف نجيب

اخراج
احمد الجندى

[بـــدر]

فيلم كوميدي رائع جداً بس يعيبه القصه يعني الواحد لو عايز يضحك فقط يدخله

لكن على الأقل أحسن من غيررره بكثيييير

[هندجعفر]

فيلم بيضحك اوى من غير قصة خالص

[home alone]

هو بيضحك بس مش زى طيرانت واتش دبور الضحك هنا اقل بكتير
القصه تافهه واتعملت 100 مره قبل زى ما تقال جوه الفيلم
التلاته اللى كتبوا كتبوا إيه بالظبط
أحمدمكى كان حلو فى شخصيه حزمبول بس لما بقى ادهم كان ساعات بيتكلم عادى بصوته الطبيعى مش بطريقه حزمبول
والفيلم الجاى لمكى هيحدد مصيره
دنيا سمير غانم ملهاش لازمه خالص ودور عادى زى دورها فى ياناياخالتى عجبتنى لما اتكلمت مغربى فى اول الفيلم ياريتها كانت كملت الفيلم كله كده على الاقل كان بقى حاجه جديده

ماجدالكدوانى كان كويس

دلال عبدالعزيز بقت لذيذه على كبر وحلو قوى انها تطلع مع بنتها فى فيلم واحد

عزت ابوعوف عادى

الغريبه ان الناس كانت بتضحك على حاجات هبله قوى وحاجات اصلا هما شفوها فى الاعلان
الحاجات اللى بتضحك
موضوع اليونان
الدكتور والمترجمه
ميار ام حزمبول اللى كانت بتغنى
اين اشيائى ولو ان افوروا فى الاخر بتاع الحريقه ده
لما جيرمين غنت فى الحفله
والنهايه هندى وهبله طبعا

4/10

[zicooo85]

[محمد_44]

انا لسة حدخله واقول رايى

[العالمى من زمان]

لو عايز تضحك خش الفيلم ده
هتضحك لما تقول يا بس
عجبنى جدا و نسانى الهم اللى كنت فيه

[alnaked2]

الفيلم جاااااامد اخيرا بعدما حلمي اغتزل الكوميديا لاقينا حد يضحكنا

[dr.lecter]

كنت داخل الفيلم وةمش متوقع انه يبقي حلو لان اعلانه خوفني فعلا بس قلت اكيد مكي مش اهبل علشان يعمل فيلم فاكس

ولقفيت ناس كتيره داخله معايا من جود نيوز كومباني وصحفيين وسيناريستات في رينسانس وسط البلد حفله 12 ونصف يوم الاربعاء


المفجاه ان الفيلم فعلا فشيييخ من كتر الضحك مافيش حد مضحكش الفيلم فعلا مكرر وهم اعلنوا كده جوه الفيلم لانه بينتمي لنوعيه البارودي الساخره اللي بتتريق علي افلام مشهوره

لكن احمد مكي وشريف نجيب عملوا فيلم صايع بجد لا يمكن ماتضحكش الا لو كان موودك وحش او مابتحبش مكي اصلا


مكي اكتر حاجه عجبتني انه طلع تماما من دور انه مشخصاتي او بيقلد او الكلام المكرر


ايوه القصه فاكسه لكن شخصيه حزمبول بالصوت والطريقه دي مكي يعملها طول الفيلم فده يحسب له

ماجد الكدواني انا متخيلوش من غير مكي
هو ومكي بيهروك ضحك صحيح الشخصيات كارتونيه


هو افضل من اتش دبور لكن اقل من طير انت لان دنيا دورها مش كبيير اوي مش بارز مع انها اجادت في مشهد البنت المغربيه ولقطه الحفله بتاعه حكيم لما غنت


الفيلم بجد انا مضحكتش فيه اد ماضحكت من فتره طوييله

[maha_2734]

فيلم مسخرة
احمد مكى خلانى اضحك من قلبى
و الناس خارجين من السينما مبسوطين اوى
بجد انصح اى حد مكتئب يدخل الفيلم دا هيغير موده للافضل
هى القصة مش اوى بصراحة لأن مفيش قصة اصلا و دا كان مقصود
هو كان بيتريق على قصص افلام تانية زى كتكوت و اعدام ميت و مافيا
دا نوع منتشر فى هوليود زى scary movie , date movie , tropic thunder
لكن الفيلم مسلى و مليان ضحك

[dr.lecter]

[maha_2734]

[A m r]

الفيلم مـعـدى بجد .. مش ممكن

ايه كمية الضحك دى .. حقيقى عمرى ماضحكت فى فيلم زى ماضحكت فى الفيلم ده

الفيلم مافيهوش اى عمق ولا اى قصة لانه ببساطة بينتمى لنوعية البروديا والساركستينج الى بتعتمد على السخرية من الافلام التانية

لكن مافيهاش ولاقصة ولا اى حاجة

اعتقد انه اول فيلم مصرى من النوع ده ..

عجبنى اوى مشهد غسان مطر بجد مش ممكن .. " انا طيب بس المخرجين والمنتجين حصرونى فى ادوار الشر بس انا طيب زى محمود الجندى وكمال ابو رية "

ومشهد لما رجع بيته ومامته دلال عبد العزيز ماعرفتوش وقالتله قولى امارة انك حزلقوم

احمد مكى .. طول عمرى بقول عليه انه معدى واحد فاهم سينما بجد انضف دماغ فى كل الممثلين الموجودين

دنيا .. دورها مش كبير اوى بس بجد ملهاش حل ده غير انها فى الفيلم ده كانت حلوة زيادة عن الزوم

ماجد الكدوانى .. برنس

عجبنى الواد الى عمل دور اين اشيائى ده .. مسخرة

اى حد موده مش حلو وعايز يضحك بجد من قلبه يدخل الفيلم .. بس الفيلم just for fun

الى ماعجبنيش فى الفيلم صورة خالد سعيد الى كانت فى اول ملف لتجار المخدرات مكنش ليها لزمة خالص بصراحة لو هى فعلا صورته ومش بيتهيألى

8.5 / 10

احسن فيلم نزل السنادى

[dr.lecter]

[A m r]