[dr.lecter]

انا احتمال ادخل الفيلم تاني

ناس كتيره دخلته 3 مرات لغايه دلوقتي


صناع الفيلم عملوا فيلم مبهج بجد انسب فيلم للصيف اهو لا حد يقول لي فيه مشاهد ولا سياسه ولا بطيخ احمر

فيلم بسيط جدا بس له رساله

[W A L E E D]

أولا بس

محدش يقول ان الفيلم مقتبس والكلام ده لان اصلا مكي قال الكلام ده في اول الفيلم

ثانيا فيلم جااامد موووووووت وانا بجد مكنتش قادر امسك نفسي من الضحك والله

في النفس الوقت الفيلم ليه غرض وفكره معمولين بشكل كوميدي ساخر جدا

ماجد الكدواني قتلني بدوره في الفيلم بجد كل اللي عملوا الفيلم مالهومش حل والله

واجم شخصيه تهلك من الضحك الصعيدي والهندي

[MohamedAbbas]

[I WILL BE]

[The Dark Knight]

الفيلم الوحيد فى الصيف السنادى اللى دخلته وخرجت منه مبسوط بجد وشايف انه يستاهل

الفيلم فكرة جميلة اوى ورسالة اجمل واحساس حلو اوى وصلنى طول الفيلم .. حتى الافكار اللى كانت متقدمة من خلال الشخصيات كانت متقدمة بطريقة خفيفة ولذيذة من غير افتعال واصطناع للاهمية

وطبعا كل ده معاه كمية ضحك رهييييييبة جدا ضحكتها طول الفيلم .. انا اصلا شخصية شباب الساحل دى كلها ما كنتش عارف اخد نفسى فيها من الضحك

بجد احمد مكى فنان موهوووووب جدا وهو فعلا اللى يقدر يعمل كوميدى دلوقتى من غير ما حد ياخد منه موقف لأنه بيقدر يختار فيلم كوميدى دمه خفيف من غير ابتذال ومن غير افورة ومن غير ما احس انه بيعمل اى حاجة عشان الناس تضحك

من الاخر بيعمل الفيلم بدماغ وبيقدر فى نفس الوقت يختار فكرة ورسالة جميلة

عشان كده الفيلم ده يعتبر خطوة كويسة ومهمة جدا ليه وبيثبت انه يستحق النجاح فعلا وان نجاحه ما كانش معتمد بس على شخصية دبور وانه يستحق انه يبقى من الفنانين المهمين فى الكوميدى فى مصر

الحاجة التانية بقى دنيا سمير غانم عاملة دور جمييييل جدا برضو واقنعتنى اوى بادائها فى كل الشخصيات وكانت قادرة فعلا تنافس وجود مكى اللى كان ممكن يغطى عليها لو هى ما كانتش عملت شغل كويس قدامه لكن هى فعلا قدرت تبقى موجودة بصورة جميلة فى كل الشخصيات

ماجد الكدوانى ده بقى حكاية انا على طول شايف انه مش واخد حقه وانه فنان دمه خفيف جدا بس مش ظاهر بس فعلا فى الفيلم ده كان رهيب واتبسطت ان الدور كان مهم عشان استمتعت بيه فى كل مشهد فعلا

فيلم من احسن الافلام الكوميدى الى شوفتها ويستحق انه يتدخل بجد

[HoSsaM_Vip]

لسه داخله امبارح

بجد الفيلم مخيبش ظني

و طلع فيلم جامد جداً

و الكوميديا الي في الفيلم رهيبة بجد

تقريباً الفيلم من اولة لاخرة ضحك

و كل الي بيمثلوا بلا استثناء كانوا جامدين

و الفيلم في النهاية بيحمل رسالة انا شايفها مهمة

لان للاسف في كتير من الشباب بيعيش بشخصية واحد

هو بيشوف انه احسن منه

من غير مايبص من جواة و يشوف ميزته الي ممكن

ميمتلكهاش حد غيره

و في النهاية احب اقول

الفيلم يستحق المشاهدة

[Saluma 3ezz]

الفيلم ده ازاى سكر كدة

[barbi^_^3ez]

[MAHI M]

el film begad toooo7faaaaaaaaa
we kolohom kano to7fa we akn3ony gydan be adorhom
we el de7k fyh fazyee333 meen awel el film le a7'ro de7k

[A.H.M.A.D - R]

فيلم جامد جدا جدا روعة

[B a S o M]

فيلم معمول بدماغ شبابي 100 %

ودي ميزه و عيب في نفس الوقت

بس بالنسبه ليا ميــــــــــــــــــــزه مالهاش حل

فيلم مبهج لاقصي درجه بجد .. و الغريب رغم كل ده انه مش هايف زي ما اتعودنا في معظم الافلام الكوميديه

فيلم رسالته بسيطه جدا بس مهمه جدا جدا جدا

فيلم اتعمل بسرعه ع فكره .. و اللي شاف الفيلم وخد باله من اللقطه اللي اتريق فيها ع فيلم ابراهيم الابيض هيعرف كده

بس ازااي فيلم يتعمل بالسرعه ديه و كتابته تكون بالسلالسه ديه و الافكار الكتير اللي من خلالها انتقد حاجات كتير في المجتمع

فيلم انا شايفه لو نزل من بدري شويه كان هيحقق كتييير جدا لانه يستحق

تحيه لكل صناع الفيلم بجد .. و مبروك يا مكي

بجد ضحكتني و هلكتني و قلبتني كمان من الضحك في وقت مكنتش عارف حتي ابتسم

[nancy507]

انا كنت فى الفليم امبارح وفعلا فيلم حلو اوى كوميدى والكوميديا فى قوية اوى احمد مكى بجد دوره كان حلو اوى ودنيا كمان كانت حلوه خالص

[دى سيكا]

فيه كذا ملاحظة

الفيلم يضحك جدا خاصة الجزء الهندى وجزء حسن شحاتة

الفيلم لفئة الشباب بس الكبار مش هيفهموا نص الحوار اللى محتاج شاب متابع افلام واغانى ونت

الميزة تمثيل البنت دنيا سمير كانت موفقة وعرفت تختار خلفية كذا شخصية بحرفنة خصوصا بنت الساحل والبنت بتاعة المول فى جزء الخليجى

الميزة الثالثة الشابين الللى عملوا دور صحاب مكى بجد تفوقوا على روحهم وه المفروض ابراز وجوه جديدة

[دى سيكا]

فى حاجة كمان

الفيلم جديد جدا بدليل الحديث عن ابراهيم الابيض

والسفن سلايس

وبعدين بجد عمل كام تحية حلوة لفنانى مصر الشباب والقدامى
بالذات فى الجزء الخليجى

[البرنس اسماعيل]

الفيلم حلو وفي كمية ضحك جميلة
احمد مكي ممثل جامد بيعرف يمثل ادوارة بشكل تحفة
دنيا سمير غانم ممثلة تقيلة انتظروها قريبا حتبقي نجمة شباك بمهارتها دي
ماجد الكدواني دورة حلو وادة تمام
القصة بسيطة بس لزيزة
سيناريو وحوار شبابي جدا وقريب قوي من الناس
اخراج جميل