[عزة]

انا لسه جاية من الفيلم
كنت حأموت من كثر الضحك
الفيلم تحفة فيه فكرة كويسة معمول بشكل كويس
الصورة واماكن التصوير تجنن
واداء كل الممثلين تحفة من اكبر دور لأصغر دور
احمد مكي بالنسبة للبعض وخصوصا الكبار قمة في الهيافة لكن انا شايفاه العكس تماما فنان له فكر وله طريقة مميزة في التمثيل وله كاريزما
نفسي اتقطع من الضحك مع اول شخصية والفيلم الهندي المسخرة اللي عملوه في الاخر تحديدا
دنيا سمير غانم هايلة هايلة في كل دور ادته بنت لهلوبة بجد وتنفع تعمل الفوازير
دنيا كمان كان ادائها مميز جدا في دور البنت الدلوعة والبائعة اللي في المول اكثر حاجة
ماجد الكدواني ممثل كوميدى هايل بس ياريت مايفكرش يعمل فيلم لوحده .. مش عارفة ليه ماحدش من الجيل ده بيرضى بأداء الدور الثاني
الاتنين اللي عملوا اصحاب احمد كانوا هايلين بجد
لطفي لبيب كمان اضفى نكهة مميزة لكل قصة

فيلم جميل ونظيف ومسلي ومضحك وفيه فكرة ويستحق المشاهدة اكثر من مرة

[lara]

اول مرة اضحك من قلبى من ايام اللى بالى بالك

ودنيا سمير غانم نجمة الموسم

[RumRum]

والله يا احمد مكي من كتر البيض اللي بتحطه في افلامك بقت افلامك بالنسبالي كراتين بيض

احمد مكي دمه تقل اوي لانه لما طلع من الشخصية دي اكتشفنا انه لا طلع ولا حاجة ودي طريقته الوحيدة اللي حيلته في التمثيل و"التضحيك"

دة غير الازدواجية المتعبة نفسيا اللي عايش فيها

بينتقد نمط حياة هو اصلا عايشه

وهو لما عمل البريك دانس مش هو بردو اللي عمله بنفسه؟ معنى كدة انه بيروح نايتات اومال كان اتعلم البريك دانس في الجيش

يبقى بلاش نعيش القصص بتاعة احنا شرقيين ويفكه من الدجل

[ahmed7rka]

بجد روش طحن

[roushiii]

الفيلم ممتع جدا وبالرغم من ان فكرته بسيطة لكن جميلة
واحلى شخصية بتاعة الراجل الهندي
ده غير طبعا مشهد حسن شحاتة وميدو
جنااااااااااااان
احسن فيلم للموسم ده

[محمد_44]

دخلته وهو فيلم نجح فى رسم البسمة وهناك شخصيات فعلا نجحت فى رسم البسمة زى فيلم حسن شحاتة وميدو وايضا الفيلم الهندى كان مسخرة وهو احسن من اتش دبور وهناك فكرة كويسة
دنيا سمير غانم ممثله هايلة واجادت
ماجد الكوانى كان فعلا مفاجاة الفيلم ونجح هو واحمد مكى فى رسم بسمة على وجوه المشاهدين
وفيلم اضحكنى وممكن يعتبر احسن فيلم كوميدى فى موسم الصيف

[home alone]

احلى حاجة فى الفيلم
دنيا سمير غانم
فى شخصية البنت البياعة
وهى بتقولوا سيكشن للميكب و الكريمات و البرفيومز
و و هى بتكلم اسامة منير
و لما طلبت كول سلو و كانز
انا فعلا شفت الشخصية دى فى الحقيقة

[Trix]

انا لسـه شايف الفيلم على الكمبيوتر وبصراحه الفلمـ فقعني جدااا انا وكل اللي بيتفرجووووووا معايـا.
كنت متوقع اشوف كوميديا عليا بس حسيت بملل فظيع وفقع مميت

[Rony.elbaz]

فيلم تحفة دموا خفيف جدا

ودنيا سمير غانم موهوبة فعلا

عملت كل شخصية احلى من اللي قبلها بجد فظيعة

وخصوصا البياعة زي العسل

بس بصراحة الفيلم مايتشافش سينما نشوفوا دفيدي احسن

[BeRo_92]

[home alone]

[no fear]

الاخراج كويس

الفيلم يتعتبر فوازير رمضان , الفيلم الامريكي احسن منه طبعا

عجبني الشخصيه الخليجيه والهنديه , معموله حلو

الفيلم ظريف ومسلي

[prencess sarah]

مستغربة عن ردود الناس عن الفيلم
انا لسة شايفه من يومين على روتانا والصراحة معجبنيش خالص ولا بيضحك خالص
اتش دبور ارحم منه بكتير وبيضحك عنه
والفيلم مقتبس فعلا من فيلم اجنبىBedazzled لبطل فيلم المومياء
والصراحة النسخة الاجنبى اجمل بكتير من العربى ده بضحك عن النسخة العربى كمان
بس النسخة العربى احلى من الاجنبى فى جودة الصورة والالوان لانه طبعا معمول من سنة لكن الاجنبى من سنة 2000
طبعا الاجنبى كان العفريت بنت لكن العربى كان ماجد الكدوانى
طبعا الشخصيات كلها متقلدة بس بطريقة مختلفة عشان متبقاش كوبى بست بالنص من النسخة الاجنبى
يعنى شخصية سوما الحساس ديه كانت فى الاجنبى بس كان البطل طالع شعره اصفر ووشه فيه نمش وكان برضوا حساس اوى ومعندوش شخصية
حكاية بتخونى بتخونى يا عم حسنين لما حبيبته كانت بتخونه كانت فى الاجنبى برضوا بس بطريقة تانية خالص ومكنتش فى نفس مشهد الشخصية الحساسة
شخصية الواد الى عنده عضلات اول شخصية عملها كانت موجودة فى الفيلم الاجنبى بس كان طالع بشكل تانى خالص كان لاعب كرة سلة ضخم اوى طول وعرض وعضلات
الشخصية المشهورة برضوا كانت فى الفيلم الاجنبى بس مكنش طالع كابتن كورة كان طالع ممثل
شخصية الصعيدى كانت فى الاجنبى بس طبعا بشكل تانى خالص الى هوة رئيس عصابة اسبانى وفى نفس المشهد ده حبيبته كانت بتخونه المشهد الى حصل فى النسخة العربى بس كان على هيئة تمثيل مشهد لسوما الحساس فى فيلم بتخونى بتخونى يا عم حسنين
الفرق ان مشاهد النسخة الاجنبى والشخصيات مكنتش كتير زى العربى
يعنى على حسب ماافتكر فى النسخة الاجنبى مكنش فيه شخصية الهندى ولا شخصية الراجل الاسود ولا شخصية الرجل الخليجى
كل حاجة فى الفيلم كنت عارفها ومتوقعها حتى النهاية بس مش بالظبط لان الشخصيات كانت هية هية بس بطريقة تانية خالص وبشكل مختلف
ماعدا حاجات قليلة عشان مكنتش فى النسخة الاجنبى
نجى بقى لاداء الممثلين
احمد مكى حلو
دنيا سمير غانم روعة خاصة فى الشخصية اللبنانية كأنها لبنانية فعلا
عملت كل شخصة كانها الشخصية بجد
ماجد الكدوانى كان بيضحك عن مكى
احلى مشاهد فى الفيلم بتاع سوما الحساس
وشوية شخصية الصعيدى

[سهر سوريا]

انا لسه شفتوا اول مبارح وحضرتوا بالاعااااااادة

بجد اروع فيلم وشخصيات وتاعب على شغلوا

شخصيات عملها بتقنية محترفة بجد

بعشقوا وبقيت احبوا اكتر